مثال شعبي

موضوع: مثال شعبي الثلاثاء يناير 12, 2010 7:54 am

كل ثعيليب ياخذ ثعيليبتو
بنفس المعنى
كل وعل ياكل غير قد حمصتو
بمعنى كل واحد مايتنطعش لحاجة لي أكثر منو يشوف غير في الحاجة لي تناسبو
أما قصة المثال تاع الثعلب هي
مرة واحد الثعلب حب بنت الذيب قال لابيه الثعلب اخطبهالي جاوبو أبيه
ياوليدي غي شوف احنا صح فينا المكر والدهاء بصح الذيب راه خداع وغدار
ألح أسيدي على والديه واش يديرو راحو لبيت الذيب يطبطبو واشكون قالو احنا الثعلب جيناكم بالحسب والنسب
جينا نخطبو بنتكم الذيبة لابننا الثعلب الذيب غاضو وماعجبوش الحال
يا انتما راكم تخطبونا في بنتنا دخلوهم للغار وسكرو عليهم وعطاوهم طريحة الموت
خرجو مساكن معورين ومجروحين جراء الضرب ثم قال الثعلب لابنه هذي المقولة
كل ثعيليب ياخذ ثعيليبتو واحنا واش دانا لبنت الذيب ياوليدي

موضوع: رد: مثال شعبي الثلاثاء يناير 12, 2010 2:20 pm

الف شكر يا مان

موضوع: رد: مثال شعبي الخميس يناير 14, 2010 3:20 pm

العفو يا ماااااااااااااااااااان